Tender
Iqtisodiyot va moliya vazirligi huzuridagi Birlashtirilgan loyihalarni amaga oshirish guruhi (keyingi o‘rinlarda – BLAOG) Islom taraqqiyot banki (ITB) tomonidan moliyalashtiriladigan “Mahallalar barqarorligini rivojlantirish” loyihasi 3-bosqichi (Community Resilience Development Project) uchun Loyiha konsepsiyasi va Loyihani baholash hujjatini (PAD) tayyorlashda koʻmaklashuvchi milliy yakka tartibdagi Maslahatchini tanlash jarayoni boshlanganini eʼlon qiladi.
Maslahatchi Oʻzbekiston Respublikasi Hukumatiga BLAOG orqali va ITB ishchi guruhiga quyidagilar boʻyicha koʻmaklashadi: (i) qishloq infratuzilmasini rivojlantirishga oid mavjud davlat dasturlari va siyosatini tahlil qilish; (ii) CRDP-3 doirasida rivojlantirilishi mumkin boʻlgan qishloq hududlaridagi kapital qoʻyilmalar boʻyicha mavjud investitsiya yondashuvlarini tahlil qilish; (iii) mahallalar va mahallani qoʻllab-quvvatlovchi institutlarning qonundagi va amaliyotdagi vazifalari hamda masʼuliyatini baholash; hamda (iv) Oʻzbekiston sharoitiga mos xalqaro ilgʻor tajribani aniqlash. Maslahatchi tomonidan tayyorlangan tahlil CRDP-3 uchun ITB Loyiha konsepsiyasi va Loyihani baholash hujjatiga asosiy maʼlumot manbai boʻlib xizmat qiladi. Milliy Maslahatchi sifatida u topshiriq uchun mahalliy (ichki) ekspertizani taʼminlaydi, jumladan manfaatdor tomonlar bilan oʻzbek va rus tillarida muloqot, davlat hujjatlarini koʻrib chiqish va dala safarlarini amalga oshirish orqali, BLAOG va ITB ishchi guruhi bilan yaqin hamkorlikda ishlaydi.
Kutilayotgan xizmatlar:
• Qishloqni rivojlantirish, infratuzilma, mahalliy boshqaruv va iqlim chidamliligiga oid tegishli milliy strategiyalar, davlat dasturlari, tarmoq siyosatlari, qonunchilik, meʼyoriy hujjatlar, statistik maʼlumotlar va investitsiya rejalarini yigʻish, koʻrib chiqish va tahlil qilish, shuningdek zarur maʼlumotlarni olish uchun tegishli vazirliklar, idoralar va hududiy hokimliklar bilan muvofiqlashtirish. Zarur boʻlganda Guruh rasmiy tanishtiruvlarni tashkil etadi.
• Asosiy manfaatdor tomonlar bilan uchrashuvlar, maslahatlashuvlar va suhbatlarni tashkil etish va oʻtkazish; suhbat qoʻllanmalari, soʻrovnomalar va maslahatlashuv vositalarini tayyorlash; hamda topilmalar, asosiy masalalar, muammolar va tavsiyalarni hujjatlashtirish.
• Loyiha konsepsiyasi, Texnik baholash va Loyihani baholash hujjatini tayyorlash uchun analitik va asos beruvchi maʼlumotlarni taqdim etish, shuningdek mumkin boʻlgan loyiha komponentlari, ustuvor investitsiya yoʻnalishlari, amalga oshirish mexanizmlari va institutsional muvofiqlashtirish tartiblarini aniqlashda koʻmaklashish.
• Oʻzbekiston Hukumati va ITB bilan uchrashuv va muhokamalar uchun zarur boʻlgan texnik hisobotlar, analitik eslatmalar, brifing materiallari va PowerPoint taqdimotlarini tayyorlash, koʻrib chiqish va takomillashtirishda ishtirok etish.
• Topshiriq davomida BLAOG, milliy Maslahatchilar, tegishli davlat idoralari va ITB ishchi guruhi bilan muntazam muvofiqlashtirishni taʼminlash.
• CRDP-3 loyihasini muvaffaqiyatli tayyorlash yoʻlida Maslahatchi, BLAOG va ITB ishchi guruhi oʻrtasida kelishilgan boshqa tegishli vazifalarni bajarish.
Arizalarni topshirishning oxirgi muddati: 07.09.2026
Tender hujjatlarini olish va arizalarni topshirish uchun aloqa maʼlumotlari:
Manzil: Oʻzbekiston Respublikasi, 100017, Toshkent shahri, Niyozbek yoʻli koʻchasi, 1-uy.
6-qavat, oʻng blok
Telefon: (998 71) 207 84 07
Email: srdp.uz@gmail.com
Texnik topshiriq quyidagi havola orqali mavjud: