"Orolbo‘yi mintaqasidagi ekologik ofatning salbiy oqibatlari" tanlovi o‘tkaziladi

Hurmatli jurnalistlar, blogerlar va fotosuratchilar!

Orolbo‘yidagi ekologik ofatning salbiy oqibatlariga e’tiborni qaratish va aholining dolzarb ekologik muammolardan xabardorligini oshirish maqsadida tashkil etilgan "Orolbo‘yi mintaqasidagi ekologik ofatning salbiy oqibatlari" tanlovida ishtirok etishga taklif etamiz.

Tashkilotchilar:

- O‘zbekiston Respublikasi Iqtisodiyot va moliya vazirligi

- Birlashgan Millatlar Tashkilotining Taraqqiyot dasturi

- Islom Taraqqiyot Banki

Tanlov 2 yo‘nalish bo‘yicha o‘tkaziladi:

• “Tabiat nigohi: eng yaxshi fotosurat”

• “Tabiat ovozi: eng yaxshi ekologik maqola”

Har bir yo‘nalish g‘oliblari noutbuk, fotokamera va smartfonlar bilan taqdirlanadi.

Tanlov maqsadlari:

- Orolbo‘yidagi ekologik ofatning salbiy oqibatlariga e’tiborni qaratish va aholining dolzarb ekologik muammolardan xabardorligini oshirish.

- Jurnalistlar, bloggerlar va fotosuratchilarni atrof-muhit muammolarini yorituvchi va ularni hal qilish bo'yicha harakatlarni rag'batlantiradigan kontent yaratishga ilhomlantirish.

- Orol dengizidagi ekologik ofat oqibatlari to‘g‘risidagi axborotni turli ommaviy axborot vositalari, jumladan, maqolalar, fotosuratlar va bloglar orqali tarqatilishini ta’minlash.

- Jurnalistlar, bloggerlar va fotosuratchilar uchun ekologik jurnalistika sohasida o'z mahoratini va kasbiy rivojlanishini namoyish etish uchun platforma yaratish.

- Orol mintaqasining ekologik muammolarini muhokama qilish va hal etishda mahalliy va xalqaro hamjamiyatning faol ishtirokini rag'batlantirish.

- Qishloq xo‘jaligining ahamiyati, tabiiy resurslardan barqaror foydalanish va bu boradagi innovatsiyalar haqida tushunchalarni oshirish.

Tanlov ishtirokchilariga qo‘yiladigan talablar:

Umumiy talablar:

- Barcha ishlar original bo‘lishi va ushbu tanlov uchun maxsus yaratilgan bo‘lishi yoki mualliflar tomonidan 2024-yil 1-yanvardan keyin mahalliy yoki xorijiy axborot manbalarida chop etilgan bo‘lishi kerak. Plagiat yoki boshqa odamlarning materiallaridan foydalanish taqiqlanadi.

- Ishlar “Orolbo‘yi mintaqasidagi ekologik ofatning salbiy oqibatlari” mavzusiga mos kelishi kerak.

Suratlarga qo'yiladigan talablar:

- Sifat: Rasmlar yuqori aniqlikda bo'lishi kerak (kamida 300 dpi).

- Format: Rasmlar JPEG yoki PNG formatida bo'lishi kerak.

- Tavsif: Har bir fotosuratga rasmning konteksti va ma'nosini tushuntiruvchi qisqacha tavsif (100 so'zgacha) qo'shilishi kerak.

- Fayl hajmi: Bitta fayl hajmi 10 MB dan oshmasligi kerak.

- Miqdori: bitta ishtirokchidan 5 tadan ko'p bo'lmagan fotosuratlar qabul qilinadi.

Maqolalarga qo'yiladigan talablar:

- Hajmi: Maqolalar 1000 dan 3000 so'zgacha bo'lishi kerak.

- Tarkibi: Maqolada sarlavha, kirish, asosiy va xulosa bo'lishi kerak.

- Format: Matnlar DOC, DOCX yoki PDF formatida topshirilishi kerak.

- Ma'lumotnomalar va manbalar: Boshqa manbalardan olingan ma'lumotlar yoki iqtiboslardan foydalanganda, havolalar va manbalar taqdim etilishi kerak.

- Miqdori: bitta ishtirokchidan 3 tadan ko'p bo'lmagan maqolalar qabul qilinadi.

Qo'shimcha talablar:

- Yozuvlarda haqoratli, kamsituvchi yoki uchinchi shaxslarning huquqlarini buzuvchi deb hisoblanishi mumkin bo'lgan materiallar bo'lmasligi kerak.

- Barcha ishlar belgilangan muddatda topshirilishi kerak, kechikib topshirilganlar ko‘rib chiqilmaydi.

- Muqova hatida ishtirokchining to‘liq ismi, aloqa telefoni va elektron pochtasi ko‘rsatilishi kerak.

Namuna:

- Fotosuratlar uchun: Muvaffaqiyatli suratga misol vayron bo'lgan ekotizimlar yoki ekologik ofatdan jabrlangan odamlar hayotini aks ettiruvchi tasvirni o'z ichiga olishi mumkin.

- Maqolalar uchun: Muvaffaqiyatli maqola misolida Orol dengizi mintaqasidagi ekologik ofatning sabablari va oqibatlarini tahliliy ekspertizadan o‘tkazish, shuningdek, uning ta’sirini yumshatish bo‘yicha takliflar kiritilishi mumkin.

Tanlovga o‘zbek, rus, ingliz va qoraqalpoq tillaridagi ishlar qabul qilinadi.

Tanlov materiallarida reklama maʼlumotlari, shuningdek, Oʻzbekiston hududida tarqatilishi taqiqlangan yoki cheklangan maʼlumotlar boʻlmasligi kerak. Ushbu ma’lumotlarga ega arizalar ko‘rib chiqilmaydi.

Arizalar 2024-yil 15-sentyabr kuni soat 18:00 gacha (Toshkent vaqti bilan) ushbu havola orqali qabul qilinadi: https://forms.gle/e974tBR8PL5j2gDx6.

Qo‘shimcha ma’lumot uchun telegram manziliga yozing  https://t.me/IsDBproject.

Mazkur tanlov O’zbekiston Respublikasi Iqtisodiyot va moliya vazirligi va BMTTD tomonidan amalga oshirilayotgan hamda Islom taraqqiyot banki va OPEKning Xalqaro taraqqiyot jamg’armasi tomonidan moliyalashtirilayotgan “Qishloq joylarni barqaror rivojlantirish” qo’shma loyihasining “Infratuzilmani boshqarishda muhandislik xizmatlari va salohiyatini oshirish” B komponenti doirasida o‘tkazilmoqda.