Bambukdan qishloq xo‘jaligida foydalanish bilan tanishildi

“Qishloq joylarni barqaror rivojlantirish” loyihasi xodimlari Tailandning Samutsaxon provinsiyasida “Tailand ko‘rfazining dengiz va qirg‘okbo‘yi hududlarida iqlim o‘zgarishi va ta’siriga chidamliligini oshirish” loyihasi doirasidagi amalga oshirilgan ishlar bilan tanishishdi.

Mahalliy aholi va hukumat tashabbusi bilan iqlim o‘zgarishiga moslashuvchanlikni oshirish, dengiz suvining noqonuniy o‘zlashtirilishini cheklash maqsadida qirg‘oqbo‘yi hududida bambuk daraxti ekish usulidan foydalanilgan. Bu orqali dengiz to‘lqini kuchayishi kabi turli tabiiy ofatlar vaqtida suv kuchini pasayishiga erishiladi.

3 km uzunlikni qamrab olgan mazkur bambukli himoya to‘sig‘i har yili tasabbuskorlar va mahalliy aholi tomonidan yangilab boriladi.