“Qishloq joylarni barqaror rivojlantirish” loyihasi doirasida Navoiyda qurilishlar olib borilmoqda

Iqtisodiyot va moliya vazirligining “Qishloq joylarni barqaror rivojlantirish” loyihasi tarkibiga Navoiy viloyatining Qiziltepa, Karmana va Navbahor tumanlarida infratuzilma va ijtimoiy soha obyektlarini qurish hamda rekonstruksiya qilish kiritilgan.

Shunga ko‘ra, bugungi kunda Karmana tumanida maktabgacha ta’lim muassasalarini qurish ishlari olib borilmoqda.

Xususan, tumandagi “Do‘stlik” MFY hududida 120 o‘rinli va “Kalovat” MFYda 90 o‘rinli yangi bolalar bog‘chalari quriladi va mukammal ta’mirlanadi.

Mazkur mahallalarda maktabgacha ta’lim muassasalari qurilishi natiijasida manfaatdor aholi soni 9000 nafarni tashkil qilishi kutilmoqda.