Taxiatosh tumanida aholiga maishiy xizmat ko‘ratish markazi qurilmoqda

Qoraqalpog‘iston Respublikasining Taxiatosh tumani “Naymankul” mahallasida Iqtisodiyot va moliya vazirligining “Qishloq joylarni barqaror rivojlantirish” loyihasi doirasida qurilish ishlari olib borilmoqda.

Hududda 12x24 o‘lchamdagi aholiga maishiy xizmat ko‘rsatish markazining qurilishi “Star Invest build” MChJ pudratchi tashkiloti tomonidan amalga oshirilmoqda va bugungi kunda obyekta tashqi va ichki bo‘yoqlash, koshin (kafel) terish, tashqi quduqlar qazish ishlari davom etmoqda. 

Mazkur subloyiha orqali benefetsiarlar soni 25 ming nafardan ortiq kishini tashkil qilishi kutilmoqda.

3 qavatli mazkur binoda o‘quv markazlari, go‘zallik saloni, sartaroshxona, dorixona, bank vakillari uchun maxsus xonalar, mahalla fuqarolar yig‘ini raisi, hokim yordamchisi, xotin-qizlar faoli, yoshlar yetakchisi va profilaktika inspektori uchun xizmat xonalari, kimyoviy tozalash xizmati, fitnes zali, qandolatchilar ustaxonasi va savdo do‘koni faoliyati yo‘lga qo‘yiladi.