“Qishloq joylarni barqaror rivojlantirish” loyihasi doirasi ekologik va ijtimoiy monitoring davom etmoqda

Iqtisodiyot va moliya vazirligi huzuridagi Birlashtirilgan loyihalarni amalga oshirish guruhining atrof-muhit hamda ijtimoiy himoya bo‘yicha mutaxassislari va hududiy ofisdagi xodimlar ishtirokida Qoraqalpog‘iston Respublikasida qurilish davom etayotgan ob’ektlar monitoringi o‘tkazildi.

Mutaxassislar Beruniy, Ellikqal’a, To‘rtko‘l, Amudaryo va Nukus tumanlaridagi qurilish obyektlarida bo‘lib, subloyihalardagi qurilishlar davomida ekologik va ijtimoiy himoya talablariga amal qilinishi, obyekt atrofida yaqin hududda istiqomat qiluvchi aholining taklif va mulohazalari bilan tanishishdi. “Qishloq joylarni barqaror rivojlantirish” loyihasi doirasida qurilish bo‘layotgan hududda ekologik standartlarga amal qilish, xavfsizlikni ta’minlash yuzasidan pudratchilar bilan suhbatlar o‘tkazildi. Shu bilan birga, ovullar aholisi bilan uchrashilib murojaatlar yo‘llash mexanizmi bo‘yicha ma’lumot berildi.