Yangibozor tumanida mahalla va aholiga maishiy xizmat koʻrsatish markazi qurilishi davom etmoqda

“Qishloq joylarni barqaror rivojlantirish” loyihasi doirasida Xorazm viloyati Yangibozor tumanida joylashgan “Boʻston” mahallasida qurilish ishlari jadal olib borilmoqda.

Mazkur hududda pudratchi tashkilot “Jayxun qurilish” MChJ tomonidan mahalla maishiy xizmat koʻrsatish markazi qurilmoqda. Hozirgi kunda obyektning tashqi fasadini pardozlash, shuningdek bino ichini bo‘yash, qavatlarga chiqish zinapoyalariga plitalarni o‘rnatish, turli santexnika tadbirlari, bino tashqarisiga transformator o‘rnatish va uni tarmoqqa ulash, bino orqa tomoni yo‘laklarini betonlash ishlari bajarilmoqda.

Umumiy maydoni 1000 m2ni tashkil etuvchi mazkur 3 qavatli binoda qurilish yakunlangach mahalla ehtiyoji va talabidan kelib chiqqan holda aholiga xizmat koʻrsatish va tadbirkorlik obyektlari ish boshlashi rejalashtirilgan.