Ellikqalʼa tumanida mahalla maishiy xizmat koʻrsatish markazi qurilishi davom etmoqda

Qoraqalpogʻiston Respublikasining Ellikqalʼa tumanida joylashgan “Sarabiy” MFYda “Qishloq joylarni barqaror rivojlantirish” loyihasi doirasida qurilish ishlari olib borilmoqda.

Mazkur hududda pudratchi tashkilot “Chotkoʻpir quruvchi taʼmir” tomonidan mahalla maishiy xizmat koʻrsatish markazi qurilmoqda. Hozirgi kunda pudratchi tashkilot tomonidan uchinchi qavatda gʻisht terish ishlari, ichkari qismida elektr tarmoqlari, kanalizatsiya va deraza romlarini joylashtirish ishlari davom etmoqda.

Umumiy maydoni 848 m2ni tashkil etuvchi mazkur 3 qavatli binoda qurilish yakunlangach mahalla ehtiyoji va talabidan kelib chiqqan holda aholiga xizmat koʻrsatish va tadbirkorlik obyektlari ish boshlashi rejalashtirilgan.