“Qishloq joylarni barqaror rivojlantirish” loyihasi doirasida konsultantlar bilan uchrashuv bo‘lib o‘tdi

Iqtisodiyot va moliya vazirligi huzuridagi Birlashtirilgan loyihalarni amalga oshirish guruhi bosh ofisida “Qishloq joylarni barqaror rivojlantirish” loyihasida ishtirok etuvchi mahalliy va xalqaro konsultantlar bilan uchrashuv tashkil qilindi.

Unda Qoraqalpog‘iston Respublikasi, Xorazm, Buxoro va Navoiy viloyatlarida batafsil loyihalash ishlari va qurilish nazorati xizmatlarini ko‘rsatuvchi mahalliy konsultantlar “Qishloqqurilishloyiha” MCHJ, “WorleyParsons Uzbekistan” MCHJ, “Consulting Business management” MChJ va “Rhythm Plus” MChJ shuningdek, “Renardet SA & Partners, Consulting Engineers” xalqaro konsultantlari qatnashishdi.

Uchrashuv davomida tomonlar o‘zaro axborot almashinish hamda faoliyatda dolzarb bo‘lgan boshqa masalalar yuzasidan fikr almashishdi.

Shuningdek, ishtirokchilar hududlarda qurilish ishlarini loyihalashtirishni jadallashtirish, subloyihalarni sifatli amalga oshirish bo‘yicha takliflar bildirib, muntazam ravishda uchrashib ish bilan bog‘liq masalalarni  bartaraf etishga kelishib oldilar.