Savol-Javob

O‘zbekiston Respublikasi Iqtisodiyot va moliya vazirligi huzuridagi Birlashgan loyihalarni amalga oshirish guruhi qanday faoliyat bilan shug‘ullanadi?

Loyiha harakatlari qishloq aholi punktlarining meʼmoriy qiyofasini tubdan yangilash, hududlarni kompleks rivojlantirish, yo‘l-transport infratuzilmasi, muhandislik-kommunikatsiya tarmoqlari va ijtimoiy soha obyektlarini barpo etish orqali aholining turmush madaniyatini yuksaltirishga qaratilgan.

 

Loyiha qanday hududlarni qamrab olgan?

Loyiha Qoraqalpog‘iston Respublikasi (46 ta MFY), Xorazm (49 ta MFY), Buxoro (41 ta MFY) va Navoiy (34 ta MFY) viloyatlarining 20 ta tumanidagi 170 ta MFY (40 ta markaziy, 130 ta yondosh mahalla)larda amalga oshiriladi. Bunda, ijtimoiy va infratuzilma obyektlarini qurish, rekonstruksiya qilish va taʼmirlash ko‘zda tutilgan.

 

Shu kungacha qanday ishlar amalga oshirildi?

Iqtisodiyot va moliya vazirligi loyihani o‘z vaqtida amalga oshirish va muvofiqlashtirish, shuningdek, ITB va OPEK kreditlaridan maqsadli va samarali foydalanish bo‘yicha masʼul ijro etuvchi organ hisoblanadi. Mazkur loyiha doirasida 2021-2022 yillar davomida 113 ta MFYda jamoa safarbarlik ishlari yakunlanib, birlamchi va dolzarb bo‘lgan subloyihalar shakllantirildi. Jumladan, Qoraqalpog‘iston Respublikasida, Buxoro viloyatida, Navoiy viloyatida va Xorazm viloyatida jami 170 ta (40 ta markaziy va 130 ta yondosh) subloyihalar tanlab olindi.

 

Loyihaning fuqarolar manfaatlari uchun, qolaversa mamlakat va jamiyat uchun ahamiyati qanday?

Islom taraqqiyot banki va OPEK xalqaro taraqqiyot jamg‘armasi hamkorligida “Qishloq joylarni barqaror rivojlantirish” loyihasining pirovard maqsadi – davlatimiz va jamiyatimizning barcha soha va yo‘nalishlarida “Inson qadri uchun” g‘oyasini hayotga tadbiq etishni ko‘zda tutadi.